Korrika 24: Aste osoko egitarau oparoa izan dugu Ikastolan, Korrikari bidea egiteko

2026-03-27

Bi urtetik behin ospatzen den Korrikak aztarna sakona uzten du gure Ikastolako egunerokoan. Aurtengo “Euskara gara!” leloa geure-geure egiten dugu, gure izaerarekin eta mundu-ikuspegiarekin bat datorrelako guztiz; horregatik, ekimenari merezi duen garrantzia ematen diogu gune guztietan presente egon dadin. Astelehen goizaldean hasi genuen bidea, Arimazubiko kideek Genevilla eta Kanpezu arteko 926. kilometroa zeharkatu zutenean, eta…

Azoka multikulturala “Denok Bat” PROIari amaiera emateko.

2026-03-27

3.mailako ikasleok “Denok bat” PROIa landu dugu. Proiektu honen helburuak ikastetxeko kultura guztiak errespetatzea eta talde koopetatiboetan azoka multikultura bat sortzea izan dira. Aurreko hilabetean, hainbat gurasoren bisita jaso genuen gelan, beraien kulturaren ezaugarriak gurekin partekatzeko. Jasotako informazioa oso baliagarria izan zaigu azokaren prestaketarako eta oso eskertuta gaude, ekarpen bikainak egin baitzituzten! Aste hontan zehar,…

Ikastolatik Korrikara goaz!

2026-03-21

Ikastolan ohitura bilakatu da Korrikarekin bat egitea, ez bakarrik gure herrietan; baita Korrikak mapan marrazten duen Euskal Herrian zehar kilometroa hartuta ere.Aurten ere bagoaz, beraz, Araba eta Nafarroa aldera; Genebillatik Kanpezurako bidean, ikastolako profesionalen talde batek egingo du korrika; Azazetako gainean, berriz, ikastolako bigarren hezkuntzako 120 ikasle eta irakasle elkartuko dira, hauek ere euskararen alde…

Herria Kantari: Ederra bezain euritsua!

2026-03-18

Joan den zapatuan, martxoak 14, euria gogotik egin arren, Arrasateko kaleak musikaz eta alaitasunez bete genituen “Herria Kantari” jaialdiaren edizio berriari esker. Eguraldiak ez zuen gure ikasleen gogoa itzali eta, baldintzei aurre eginez, komunitatea doinu herrikoi eta garaikideen inguruan batzea lortu genuen. Izan ere, zapatukoa ederra bezain euritsua izan zen! Aurtengo errepertorioak, azken urteetako bidetik,…

Ilart Ugarte izan da “Euskararen altxorrak” lehiaketaren irabazlea

2026-03-18

2026ko otsailean Arimazubiko Gurasoen Euskara Batzordeak “euskararen altxorrak” izeneko lehiaketa martxan jarri zuen. Lehiaketa honek bi helburu nagusi zituen: batetik, gure euskarak daukan garrantzia eta aberastasunaz jabetzea eta, bestetik, familietan euskararen bueltan hitz egitea, etxeko sukaldean euskarak presentzia izatea, alegia. Lehiaketaren 2. fase honetan, 5 astetan guztira 1.329 papeltxo jaso ditugu. Benetan arrakastatsua izan da…

Bafle Moreak PROIaren baitan, emakume erreferenteekin mahaingurua egin dugu Arimazubin

2026-03-13

Bafle Moreak PROIean murgilduta daude Arimazubiko LH 6ko ikasleak. Proiektu honetan, uneoro presente izango dugun galdera gidaria hau izango da: “Nola bultza dezakegu parekidetasuna kanta ezagunen bitartez?”. Izan ere, historian zehar genero parekidetasun eza nabarmena izan da, eta gaur egun ere, horren presentzia nabaria da gure bizitzako esparru askotan, lanean, kirolean, etab. Gure ikasleei begira,…

“Gure Ferixia”: DBH 3ko ikasleek azoka antolatu dute LH 3koentzat

2026-03-11

Almen eta Gaztelupe guneetako DBH 3. mailako ikasleek proiektu berezi batekin amaitu dute hiruhilekoa Gorputz Hezkuntzako arloan: “Gure Ferixia” azoka dinamikoa antolatu dute. Ikasle nagusiek hilabeteetako lana eta sormena jarri dute martxan ekitaldi hau antolatzeko, eta ahalegin horrek guztiak fruitu bikaina eman du LH 3. mailako ikasleak gonbidatu gisa hartu dituztenean. Azoka honen bidez, adin…

Martxoak 8: berdintasuna aldarri gure Ikastolan

2026-03-10

Martxoaren 8a aurten igandea egokitu denez, Arizmendi Ikastolan Emakumeen Nazioarteko Egunaren ospakizunak eta aldarrikapenak martxoaren 6ra, ostiralera, aurreratu genituen. Guretzat, berdintasuna ez baita egutegiko egun bakar batera mugatzen; egunero lantzen ditugun balioak dira, eta aurten ere, ikasleek modu berezian ekarri dituzte agerira. Gure ikastolako gune guztiak sormenez eta aldarrikapenez bete dira, berdintasunaren aldeko mezu eta…

Emakume zientzilarien ekarpenak ezagutzen Arimazubin

2026-03-06

Emakume Zientzilarien Eguna pasa berri dela eta Martxoaren 8a gerturatzen ari dela aprobetxatuz, guneko guraso den Aitziber Lopezen bisita izan dugu Arimazubin. Aitziberrek “Inventoras y sus inventos” liburua idatzi du eta modu samur eta goxoan, historian zehar emakumeek zientzian egindako ekarpenak zein asmakizunak kontatu dizkigu. Eskerrik asko, Aitziber! Pila bat ikasi dugu zurekin!

BIZI egunak izan ditugu BATU egitasmoan

2026-02-23

Pasa diren asteetan, BATUko ikasleok BIZI egunak ospatu ditugu. IEM honen helburua ohiko errutinarekin apurtu eta eten bat egitea izan da. Maila bakoitzak proiektu ezberdin bati heldu dio: 6.mailako ikasleok Korrikarekin lotutako hainbat ekintza burutu ditugu hizkuntza-ohituretan eragiteko. Lehenik eta behin, Visual Thinking teknika erabiliz, Korrikaren inguruko informazioa landu dugu: zer den, zein helburu dituen,…