Hezkuntza ez-formala

Arizmendi Ikastolan, Hezkuntza Ez Formala proiektua Hezkuntza proiektuko ardatz bat da. Helburua, ikasleen bizipenak eta ezagutzak aberasten laguntzea izango da testuinguru desberdinetan, espazio anitzak erabiliz, ekintza desberdinak esperimentatzeko aukerak eskainiz eta bide batez gustuko gauzak identifikatuz.

Irakurri gehiago

Osasun ohiturak sustatzea beste erronka bat da guretzat, ikasle aktiboak heztea, etorkizunean gizarte aktiboa izateko. Munduko Osasun Erakundeak dioen bezala, egunean, ordu bateko jarduera fisikoa egiten duen pertsona da aktiboa, hori lortzeko baliabideak eskaintzea da gure asmoa, sedentarismoa murrizteko helburuarekin.
Neurozientzietan adituak diren pertsonek ere azpimarratzen dute, jarduera fisikoa egiteak ekartzen dituen onurak, errendimendu akademikoa hobetzen laguntzeko aliatu ezin hobea izan daitekeela, eragina izan dezakeelarik ezagutzak bereganatzeko eta ulertzeko.

Ekintza hauek Ikastolan antolatzeak onura asko ekartzen dizkie gure ikasleei, Ikastolako Hezkuntza proiektuarekin eskutik, norabide berean joango baikara. Konfiantza ematen die familia eta ikasleei, ingurune ezagun batean ekintzak burutzea, ezagunak diren hezitzaile eta kideekin. Hezitzaileak maila handi batean Arizmendi Ikastolako ikasle ohiak dira eta eragin positiboa duela uste dugu, Ikastolako filosofia ezagutzen dute, beraiek bizitakoa partekatzeko aukera dute…

Jarduera fisikoa sustatzeaz gain, Hezkuntza Ez Formaleko proiektuan, ekintza kulturalak sustatzen ditugu. Helburua da Hezkuntza Formala eta Ez Formalaren lotura bermatzea. Gozamenaren esparrutik eta ondo pasatuz.

Guzti hau, giro euskaldun batean, Euskal kulturaren transmisioa eginez, ikasle euskaldun eleanitzak hezteko asmoarekin.

HEZKUNTZA EZ-FORMALEKO ARDURADUNA Gari Ibarzabal

Jarri harremanetan

Play Video

Argazkiak

Hezkuntza ez-formaleko Bizitza

Bilatu albisteak

Guztiak

Guztiak
AKE
Eskolaz kanpoko ekintzak
LEK
Tailerrak
Udalekuak

Heldu dira LEK-eko kamisetak!

2024-12-09

Hezkuntza ez-formaleko urte amaierako eta hasierako ekintzak

2024-12-02

Gelditu barik, hezkuntza ez-formalean!

2024-11-25

Igerilekuko jarduerak eta eskubaloi txapelketa egingo ditugu zapatuan!

2024-11-11

Albiste gehiago

Hezkuntza ez-formaleko eskaintza

Eskaintza guneka

Haur Hezkuntzan, Hezkuntza Ez-Formalaren helburua, etorkizunean herria edo bailaran izan ditzaketen ekintzak esperimentatzeko aukera ematea da, bide batez gustuko jarduerak identifikatzeko intentzioarekin.

Ludikotasuna eta gozamenaren esparruan euskararen erabilera era naturalean sustatuz.

Gunean bertan antolatzen diren ekintzak dira, Ikastolako ikasle ohiak edo monitore eskolako ikasleek dinamizatzen dituztenak.

Eskaintza osoa

Arizmendi Ikastolako udalekuak, bertako ikasleentzat antolatzen ditugu. HH 5 urteko Arizmendi ikastolako ikasleak izango dira udalekuetara joateko aukera izango duten pertsona gazteenak eta DBH4. mailako ikasleak nagusienak.

Udalekuak dinamizatzen duen taldea, Arizmendi Ikastolako 2 irakaslek, ikasle ohiek eta monitore eskolako Batxilergoko ikasleek osatzen dute. Honek konfiantza handia ematen die familiei eta oso ondo baloratzen dute.

Udalekuak, ikasleen ezagutza aberasteko esparru egokia da, Euskal Herriko txoko desberdinak ezagutzeko aukera ezin hobea izango dute ikasleek, bertako ingurune naturalak eskaintzen dituen baliabideak aprobetxatuz. Ludikotasun eta gozamenaren esparruan, Euskara era naturalean sustatuz. Jarduera fisikoa egiteko parada izango dugu egun guztian zehar, ekintza desberdinak esperimentatuz, gustuko gauzak identifikatzeko aukera ona izango dute partehartzaileek. Ikasleek bizipen desberdinak, intentzioak bizitzeko aukera izango dute egun batzuetan elkarbizitzan eta lagun berriak egiteko espazio bikaina izango da.

Aisialdian dauden aukera anitzak gure ikasleei ezagutaraztea da helburua alde batetik, ludikotasuna eta gozamenaren esparruan euskararen erabilera era naturalean sustatuz.

Bestetik, ikasleek gustuko ekintzaren bat baldin badute eta herrian edo bailaran hori aurrera eramateko aukerarik ez badute, guk antolatzea. Lagun berriak egiteko esparru aberatsa izanik.

Ekintza asko, bailarako erakunde desberdinekin elkarlanean antolatzen ditugu, baita herrira zabalik ere.

Eskaintza guneka

Euskal Herriaren bihotzean dagoen Leintz Bailaran kokatuta dagoen kirol elkartea da Arizmendi kirol elkartea. Helburua kirola sustatzea eta komunitatean bizimodu osasungarria sustatzea da.

Arizmendi Kirol Elkartean adin eta trebetasun maila guztietarako kirol diziplina ugari eskaintzen ditugu. Futbola, boleibola, esku pilota, igeriketa eta askoz gehiago, badugu zerbait guztiontzat. Gure entrenatzaile-taldea oso trebatua eta motibatua dago, gure kideak gidatzeko eta laguntzeko, beren kirol-helburuak lortuz eta jokuz gozatzeko.

Kirola egiteaz gain, talde-lana, errespetua, diziplina eta adiskidetasuna bezalako balioak sustatzen ditugu. Gure kideen artean lotura sendoak eta iraunkorrak sortzearen garrantzian sinesten dugu, eta, horrela, benetako kirol-familia sortzen dugu.

Ez du axola hasi berria edo eskarmentu handiko kirolaria bazara, gure komunitatean sartzera gonbidatzen zaitugu. Adin eta maila guztietara
egokitutako programak eta jarduerak eskaintzen ditugu, umeentzako kirol-eskoletatik hasi eta helduentzako goi-mailako lehiaketetaraino. Hemen denek dute hazteko eta gainditzeko aukera!

Arakatu gure webgunea, kirol-diziplinei, ordutegiei, tarifei eta ekitaldi bereziei buruzko informazio gehiago lortzeko. Era berean, gure talde adeitsuarekin harremanetan jar zaitezke edozein zalantza argitzeko.

Arizmendi Kirol Elkartearekin bat egin eta ezagutu kirolaren mundu zoragarria, giro atsegin eta motibagarrian! Hemen gaude zure helburuak lortzen laguntzeko eta kirol-esperientziaz ahalik eta gehien gozatzeko.

Izena eman

Eskaintza osoa

Leintz eskola kirola (LEK), 6-14 urte bitarteko neska-mutilei bideratuta dagoen proiektua da. 6-14 urte bitarteko neska-mutilei bideratuta dagoen proiektua da. Hezkuntza ez formalaren barnean kokatzen da eta eskola orduetatik kanpo eskaintzen da.

Kirol aniztasuna da helburu nagusia, gure bailaran dauden kirol elkarte guztien kirolak frogatzea, ikasturte osoan zehar. Astean, aurrera eramaten diren saioak gune bakoitzean eskaintzen dira, bertan, kirol bakoitzaren arauak barneratuz, ondoren larunbatetako topaketetan ikastetxe ezberdinetako ikasleekin herriko eta ikastetxeko instalazioetan ekintzak, partiduak eta jolasak aurrera eramanez.

Ikasturtean zehar sustapen jarduera ezberdinak antolatzen dira ikastolako ikasle guztiei bideratuta, hala nola, Baskoniako partida ikustera irteera, izotz irristaketa egitera irteera, surf ikastaroa egitera irteera Debara, Hontza Extreme abentura parkera irteera… Ekintza hauetan egunerokotasunean praktikatzen ez diren kirolak eskaintzen dira.

LEK proiektuko helburua, ikasleek jarduera fisikoa eginez ohitura osasuntsuak barneratzea da eta bide batez, kirol eta jarduera fisiko praktika desberdinak ezagutuko dituenez, gustuko ekintzak identifikatzea bizitzan zehar pertsona aktiboa izateko. Jarduera fisikoa egiteak duen garrantzia kontutan hartuz, Arizmendi Ikastolan oso garrantzitsua ikusten dugu gure ikasleak horrelako ekimenetan parte hartzea, beraien heziketa prozesuan eragin positiboa izan baitu.

LEK elkarteak eta Arizmendi ikastolak konpromiso nagusi bat du: ikasle guztiei beraien talentua garatzeko aukera eskaintzea, gaitasunak hobetzeko eta gauza berriak ikasteko, alde batera utzita beren kirol maila, maila sozio-ekonomikoa, dibertsitate funtzionala, sexua, edo bizi diren tokia.

LEK web orrira joan

Eskaintza osoa

Aisialdian dauden aukerak ezagutzea eta gustukoak identifikatzea da erronka.

Helburua da, ikasturtean zehar, gela bakoitzean Hezkuntza Ez Formaleko ordezkari bat jartzea izango da eta beraiekin interesgarria izan daitezkeen ekintzak identifikatu eta antolatzea, ludikotasuna eta gozamenaren esparruan euskararen erabilera era naturalean sustatuz.

Eskaintza guneka

Euskal Herriaren bihotzean dagoen Leintz Bailaran kokatuta dagoen kirol elkartea da Arizmendi kirol elkartea. Helburua kirola sustatzea eta komunitatean bizimodu osasungarria sustatzea da.

Leintz eskola kirola (LEK), 6-14 urte bitarteko neska-mutilei bideratuta dagoen proiektua da. Hezkuntza ez formalaren barnean kokatzen da eta eskola orduetatik kanpo eskaintzen da.

LEK web orrira joan

Bertako ikasleentzat antolatzen ditugu. HH 5 urteko Arizmendi ikastolako ikasleak izango dira udalekuetara joateko aukera izango duten pertsona gazteenak eta DBH4. mailako ikasleak nagusienak.

Ikasleen arteko harremanak bultzatzea eta aisialdiaz gozatzeko aukera anitzak eskaintzea da helburua, euskararen erabilera era naturalean sustatuz.

Garai honetan ikasle askok jarduera fisikoa egiteari uzten dio eta hori ekiditeko asmoz.

Batxilergoan, Monitore eskolan, Aisialdi euskalduna, hezitzailea eta eraldatzailea bizitzeko aukera izango dute.

Eskaintza guneka

Euskal Herriaren bihotzean dagoen Leintz Bailaran kokatuta dagoen kirol elkartea da Arizmendi kirol elkartea. Helburua kirola sustatzea eta komunitatean bizimodu osasungarria sustatzea da.

Eskaintza osoa

6-14 urte bitarteko neska-mutilei bideratuta dagoen proiektua da. Bertako ikasleentzat antolatzen ditugu. HH 5 urteko ikasleak izango dira udalekuetara joateko aukera izango duten pertsona gazteenak eta DBH4. mailako ikasleak nagusienak.

Eskaintza osoa

Arizmendi Ikastolan, Batxilergoko ikasleei zuzenduta dago monitore edo hezitzaile eskola. Ikastolen Elkarteko lankideekin elkarlanean kudeatzen dugu, Zirimola Aisialdi taldearekin.

Dakizuen bezala, Hezkuntza Ez Formalean hainbat ekintza antolatzen ditugu, ikasturtean zehar, Arizmendi Ikastolako hezkuntza komunitateko partaideei zuzenduta; ikasle, guraso eta profesionalei. Gure ikasleek beraien ibilbidea egiten joaten dira, ikasturtez ikasturte, gustuko gauzak identifikatuz. Batxilergora iristean, aukera berri hau zabaltzen zaie, beraiek monitore edo hezitzaile izateko formazioa jasotzen dituzte eta Ikastolan antolatzen ditugun ekintzetan praktikak egiteko aukera izaten dituzte, Ikastolako jaietan, udaleku irekietan, udalekuetan…

Formazio hau aurrera ateratzeko, 150 ordu teoriko eta 160 ordu praktiko bizi behar dituzte, Batxilergoko 2 ikasturteetan zehar. Ekintza oso interesgarria da gure ikasleentzat eta ikasturtero 3 talde osatzen ditugu, 75 ikasle guztira maila bakoitzean. Formazio hauek bukatzean, Eusko Jaurlaritzako “Haur eta gazteen aisialdirako begirale diploma” lortzen dute.

Formazio honek, garapen pertsonalean hazten eta hezten lagunduko dio ikasleari eta haurren aisialdi parte hartzailea, euskalduna, hezitzailea eta herritarra bultzatzeko tresnak eskuratuko ditu. Haurra izango da protagonista eta monitorea edo hezitzailea bidelagun. Aniztasuna, inklusioa zein parekidetasuna sustatuko ditu eta lehiakortasuna baztertu. Talde lanean trebatuko dira, kolaborazioa eta kooperazioa sustatuz.