Arizmendi Ikastolako 20. urteurrenaren harira, TU Lankideren erreportajea

Gure Ikastolaren 20. urteurrena dela eta, Ikastola kooperatiboaren sorrera, oraina eta etorkizuna jasotzen duten testigantzak jaso ditugu azken hilabetean; 70eko hamarkadan herrietan Ikastolen sorrera eman zenetik, Arizmendi Ikastolaren jaiotzan zein ondorengo urteetan protagonista izan ziren Ikastolako kide esanguratsu batzuk elkartu ditugu: Axun Garai, Itziar Gurtubai, Felix Ormaetxea, Txaro Iraeta eta Javier Pagaldai, hain zuzen ere. Hazia jarri zutenen hitzak dira, historia bizi izan zutenena eta oraina zein etorkizuna eraikitzeko zutabeak jarri zituztenena. Testigantza hauek aurki gure web gunean izango dira ikusgai eta entzungai.

Bada, TU Lankideko kideak izan ditugu bidelagun lan honetan, eta erreportaje polit batean jaso dituzte prozesu honen nondik norakoak. Web gunean zein aldizkariko 52. eta 53. orrialdeetan duzue irakurgai.

Segi dezagun beste 20 urtez elkar eraikitzen!