Oinez basoa ekimena: ADI! Egun aldaketa egon da

Tafallako ikastolatik gonbidapena jaso genuen beraiekin batera egun pasa ederra egiteko Tafallan bertan. Gonbidapena Santa Teresa, Gazteluondo, Arimazubi eta Almeneko 1.mailatik 6.mailara bitarteko familiei dago zuzendua. Tafallatik jakinarazi digute apirilaren 21era aldatu dela data.

Oinez basoa ekimenaren bitartez, Nafarroa oinez bakoitzaren ostean utzitako aztarna ekologikoa kalkulatu eta baso bat sortzea da helburua. Hori dela eta apirilaren 21erako egitarau zabala prestatu dute Tafallako kideek: ibilaldia, ipuin kontaketa, bazkari auto-eratua… familian beste errealitate bat ezagutzeko aukera paregabea izango da.