Magala espazioa irekiko dugu Uribarri gunean, azaroaren 12an

Datorren astean, azaroaren 12an, herrira zabalik egongo den espazioa irekiko dugu Uribarri gunean, Magala espazioa. Astelehenetik ostiralera irekita egongo da, 9:30etatik 12:30etara bitartean.

Espazio hau ez da soilik Ikastolako komunitateari zabalik egongo; Leintz Bailarako herritarrei irekita egongo den doako eskaintza izango da. 0-2 adin tarteko haurrei eta beraien familiei zuzenduta egongo den zerbitzua eskainiko du, beste familia eta eta haur batzuekin interakzioan goiza pasatzeko aukera eskainiz. 

Zer eskainiko du Magala espazioak?

• Familientzako espazio bat: estalia eta adin tarterako egokiak diren material eta baliabideez hornitutakoa.
• Familientzako akonpainamendua eta aholkularitza. 
• Familientzako formazioak. 
• Haurrentzako saio eta tailer espezifikoak.