Liburuaren nazioarteko eguna ospatu dugu Ikastolan
Apirilaren 23an liburuaren Nazioarteko Eguna ospatzen da. Helburua, irakurzaletasuna sustatzea, industria editoriala bultzatzea eta egile eskubideen bitartez jabetza intelektuala babestea da. Egunari ikusgarritasuna emateko, Ikastolako txokoak apaindu eta ekintza ugariak antolatu ditugu.
Basabeazpin, gunea apaindu dugu, izan ere, amets ederra baita liburuen artean bizitzea. Familiak ekarri ditugu Ikastolara eta hizkuntza ezberdinetan kontatu dizkigute guri hainbeste gustatzen zaizkigun ipuinak… Katalanieraz, frantsesez, alemanieraz, arabiarrez eta euskaraz. Zelako amets goxoak egin ditugun!
Umezaintzan eta Olarten ere gunea apaindu, liburuen artean bidaiatu eta Argitxok oparitutako liburu berriak ikusi ditugu.
Arimazubin eta Gazteluondon, GURAko ikasleek ekimen ezberdinak burutu ditugu astean zehar. 2.zikloan, berriz, irakasleek ipuin kontaketak egin dituzte eta ikasleek ederto pasa dute ipuinak entzunten. Hortaz gain, orri markatzaileak egin dituzte elkar oparitzeko. Amaitzeko, ipuin ezberdinen inguruko solasaldia egin dute talde txikitan. 1.zikloan, ordea, JUUL kanpainan irabazle irtendako ipuinak eskuratu dituzte eta goizero tartetxo bat hartu dute astean zehar ipuin hauek kontatzeko.
Jarraian irudiak: