Igerilekuko jarduerak eta eskubaloi txapelketa egingo ditugu zapatuan!

Asteburu honetan, azaroaren 16an, bi ekintza burutuko ditugu. Alde batetik, LH 3-4. mailako ikasleak igerilekuko jardueretan murgilduko dira Aretxabaletako Ibarra kiroldegian eta izen ematea azaroaren 13rarte dago zabalik, hemen daukazue izean emateko bete beharreko formulategia. Bestetik, LH 5-6. mailako ikasleek eskubaloi txapelketa jokatuko dute Arrasateko musakola kiroldegian. Arrasate eskubaloi elkarteko kideak LEK-eko saioetan eskubaloia irakasten ibili dira burubelarri eta eskubaloi txapelketa ere beraiekin elkarlanean egingo dugu.

Azaroaren 10ean, LEK-eko monitoreek lehen sorospenetako formakuntza jaso zuten Arizmendi ikastolako erizaintza heziketa zikloko profesionalen eskutik. Gure saioetan gertatu daitezkeen egoera ezberdinak aztertu, hauen aurrean nola jokatu, botikinaren erabilera eta beste hainbat gai landu zituzten.

Gogoratu “12 ikastetxe 12 tontor” ekimenaren 5. edizioa martxan dagoela, beraz, hasi zaitezkete tontorren konkistan!