[GOGORARAZPENA] Jarri zure alea Arizmendi Ikastolaren Hizkuntza Proiektua berdefinitzeko prozesuan!

Arizmendi Ikastola osatzen dugun ikasleok, familiok eta profesionalok euskarari, euskalduntasunari zein gainerako hizkuntza eta kulturen inguruan dugun ezagutza, jarrera eta jokabideari buruzko argazki orokorra jaso nahi dugu. Une honetan Arizmendi Ikastolaren Hizkuntza Proiektua berdefinitzen dihardugu eta argazki horrek asko lagunduko digu hurrengo hamar urteei begira irudikatu beharreko estrategia eta plana definitzen.

Zentzu horretan, Arizmendi Ikastolaren hezkuntza-komunitatea osatzen dugun guztion ahotsa, ikuspegia, errealitatea eta nahia jasotzeak berebiziko garrantzia du. Eta horregatik, oso garrantzitsua da Ikastolako komunitatea osatzen dugun kideok Alexiatik jaso dugun formulategia betetzea. Galderak nahiko modu errazean erantzutekoak direla uste dugu eta ez dizu denbora asko kenduko. 

Argazki hau geure hezkuntza-komunitatearekin partekatzeko asmoa dugu etorkizunean. 

Aldez aurretik eskerrik asko errealitate honen guztiaren jasoketan parte hartzeagatik!

Bazara kontseilua