Gelditu barik, hezkuntza ez-formalean!

Ikasturtea aurrera doa, eta hezkuntza ez-formalean gelditu barik dihardugu! Monitore eskolari dagokionez, pasaden astean Almen guneko Batxi 1eko ikasleekin egon ginen. Gainera, azaroaren 27an interesatutako Batxi 1. mailako ikasle guztiekin bilduko gara Gaztelupeko aretoan ikastaroaren nondik norakoak ondo azaltzeko.

Horretaz gain, Olarte guneko ikasle batzuk Gaztelupe gunean izan ditugu bisitan. Zirkoko gaia lantzen ibili direnez materiala aurrez aurre ikusi eta probatzeko aukera izan dute. Hortxe ibili dira goiz osoa jolasean.

Bukatzeko, aurtengo gabonetako oporraldian eskaintza berri bat izango dugu eta bere izen ematea zabalik dugu. Dantzaz Dantza konpainia profesionalarekin elkartuta dantza udalekuak antolatuko ditugu LH3-LH6 mailetako ikasleentzako. Bertan, dantza garaikidea, euskal kultura eta jasangarritasuna landuko dugu ikasleei esperientzia oso bat eskainiz.