Gautenako kideen bisita jaso dugu Arimazubin

Gautenako kideak  Arimazubira hurbildu dira 2. mailako ikasleekin elkartu eta aniztasunaren inguruko sentsibilizazio dinamika berezi bat egiteko. 

Saioa meditazio saio batekin hasi da, lasaitasuna eta arreta sustatzeko. Ondoren, ikasleek aniztasunari buruzko irudiak aztertu dituzte, eta ikusitakoa euren bizipenekin lotuz hausnarketa kolektiboa egin dute. Esperientziaren parte gisa, taldeak margolan koloretsu bat sortu du, elkarrekiko ulermena eta lankidetza irudikatzeko.

Jarduera biribiltzeko, “Antzarren ipuina” entzun dugu, aniztasunaren eta elkartasunaren mezu garrantzitsua nabarmenduz.

Eskerrik asko Esti, Aintzane, Sebas, Ivan eta Josebari, gure BEGIRADA aberasteko eta aniztasuna ulertzeko bidea errazteagatik!