Euskaraldiko horma-irudia sortzen
Gure ikasleak Euskaraldiko horma-irudia egiten ari dira. Eskoriatzako Euskaraldiko batzordetik, hirugarren urtez jarraian, enkargua jaso dugu herriko Euskaraldiko murala berregiteko, eta lan horretan aritu gara Almeneko Batxilergoko 2. mailako ikasleekin.
Ekintza honek Euskaraldia girotzen eta indarrak hartzen hasteko balio izan digu. Ikasleek eurak diseinatu eta sortutako murala da, eta oraindik azken erremateak ematen ari gara. Espero dugu datorren astean zehar horman jartzea, herriko euskararen aldeko ekimena irudikatzeko eta guztion parte-hartzea sustatzeko.
