Bolondres lanetan ibili gara Azpeitian, Kilometroak jaian!

Domekan, irailaren 6an, Azpeitian “Izpiz izpi” lelopean ospatutako Kilometroak jai erraldoian, Arizmendi ikastolako langileok eta beste hainbat boluntariok parte hartu genuen gogotsu. Azpeitiko Ikasberri ikastolaren antolakuntzarekin, ekimen honen alde lanean aritu ginen. Ogitartekoak egiten, barran zerbitzatzen, arropa saltzen eta hainbat beste zereginetan ibili ginen, ekitaldia arrakastaz gauzatzeko gure ekarpena eginez.

Gure ilusioa eta konpromisoa elkarrekin uztartuz, Kilometroak jaiak giro ederrean igarotzea lortu genuen, euskararen eta ikastolen aldeko festa honetan gure harri-koskorra jarriz. Eguna ezin hobea izan zen, eta pozik gaude euskararen sustapenean eta hezkuntza komunitatearen elkarlanean lagundu izanaz.

Hilabete honetan, hezkuntza eta euskara sustatzen jarraitzeko aukera berri bat izango dugu, izan ere, hurrengo ikastolen festa, Nafarroa Oinez, urriaren 20an ospatuko da Zangozan. Bertan ere parte hartzeko gogoz gaude!