Bideo berria sortu dugu GURA egitasmoan!

GURA egitasmoak lehen hezkuntzako 6-10 urteko etapari egiten dio erreferentzia. Sormenean, manipulazioan eta egoera errealetan oinarrituz mundua ulertzen hasteko oinarriak lantzen hasten da haurra egitasmo honetan, euskaratik eta euskaraz. Haurrak bere adinkideekin sozializatzeko beharra sentitzen duen garai honetan, Ikastolak kooperazioan jarduteko testuinguru ugari eskaintzen dizkio, pedagogiaren zerbitzura dauden espazio eraldatuen bidez.

Bada, egitasmoaren egunerokotasuna islatzen duen bideo polit hau sortu dugu. Eta aurrerantzean ere gainontzeko egitasmoenak sortuko ditugu, guztiak web guneko “hezkuntza eskaintza” atalean argitaratzeko asmoz.

Eskertza berezia egin nahi diegu bideoan parte hartu duten familiei.

Goza ezazue!