Ikastolako Zirko tailerreko azken jaia

Ikasturtea aurerra doa eta horrekin batera, Arizmendi Ikastolako Hezkuntza Ez Formaleko ekintzak ere maiatzean bukatu dira. Ikasturtean zehar hainbat talde izan ditugu, Robotikan, Yoga inglesean, Zirko tailerrean eta Street Dance-n baita. 

Ekintza hauetariko batzuk azken jaian izaten dute amaiera, Street Dance-eko taldeek ekainaren 16an izango dute, Bergaran, Canden town akademiako beste taldeekin batera. 

Zirko tailerrean aritu diren 4 taldeek aldiz, pasa den astean izan zituzten azken jaiak, maiatzaren 27 eta 29an. Gaztelupe guneko ginasioan izan ziren jaialdiak. Arizmendi Ikastolako neska mutikoek ikasturtean zehar landu dituzten hainbat gauza erakutsi zizkiguten, aire akrobaziak, globoflexia, hanka paluetan ibili, trapezioan, oreka lantzen baloi erraldoi baten gainean… Izugarrizko habilezia dutela erakutsi ziguten bertan egon ginen guztiei eta ekitaldi oso polita izan zen. Urduri zeuden ikasleak baina lan bikaina egin zuten, bertan egon ginen ikusle guztiak txunditurik utzi gintuzten. Datorren ikasturtean berriro jarriko dugu Zirko tailerra martxan.

Eskerrik asko bertan parte hartu duzuen guztioi, orain gozatu uda!