GUNEAK
Almen
Aretxabaleta - Eskoriatza
Eskoriatza eta Aretxabaleta artean kokatuta gaude, natura inguru paregabean. 6 urtetik 18 urte bitarteko ikasleei ibilbide jarraiean eta proiektu bakarrean hezten laguntzen diegu.
Lan talde esperientziadun, gazte zein egonkorra osatzen dugu, konfiantzazko eta segurtasunezko testuinguruan jardunaz, eta barruko zein kanpoko eremuak baliatzen ditugu gure egunerokotasunean.
Ikastola herriko parte izanik, guraso nahiz herri eragileekin hartu-emanean aritzea ezinbestekoa ulertzen dugu, hezkuntza komunitatea osatu eta gizarte eraldaketan eragiteko.
GUNEKO ARDURADUNA Nagore Iraola
Argazkiak
Naturan hezten
Almeneko Torrebaso basoa eta natura, bizi eta esperimentatzeko proiektua da.
Espazio soil moduan erabili beharrean, ikasgela bihurtzen dugu basoa LH1tik LH4 arteko mailetan.
Asteroko programazioan txertatzen dugu, naturarekin konekzioa eta naturak eskaintzen dituen bizipenak, gure ikasleen garapenerako ezinbesteko direla ulertzen dugulako.
Urtaroen kurrikulumean oinarritzen gara, urte osoko dinamikan.
Ezagutzen dena, maitatzen delako.
Zatoz Ikastola ezagutzera!
Jarri gurekin harremanetan Arizmendi Ikastolako guneak ezagutzeko. Bisita pertsonalizatuak eskaintzen ditugu familia, erakunde, enpresa, ikastetxe edo Ikastolentzat.
Arizmendi bisitatu nahi duzu?
Eskaintza eta zerbitzuak
Jantokia
Arizmendi ikastolan, menu orekatua eta barietatea eskaintzen da jangela zerbitzuan, gure ikasleen osasuna eta heziketan ardatz garrantzitsua baita elikadura osasuntsua izatea. Elikaduraz gain, garrantzia berezia ematen diogu bazkalordu atsegin bat izateari; horretarako, hezitzaile eta profesionalen gertutasuna eta konfiantza eta zaintzan oinarritzen gara.
Harrera gela
Eskolak hasi aurretik eta eskolak amaitu ondoren haurrak ikastolan egoteko aukera eskaintzen du zerbitzu honek. Harrera gelak umeen beharretara egokitutako eta hezitzaile batek bideratutako programazioa dauka. Bertan, elkarrekin jolasteko, sormenerako zein lasai eta konfiantzan goxo egoteko aukera izaten dute ikasleek.
Goizez: 07:30-09:00
Arratsaldez: 16:00-18:00
Autobus zerbitzua
Almeneko autobus zerbitzua
LHrako autobus zerbitzua dago Aretxabaleta eta Eskoriatzatik, goiz, arratsalde eta eguerdietan.
Lurraldebus zerbitzuak
Ederlan parean dagoen geltokia oso gertu dago, lineako ohiko autobusetako erabiltzaileentzat.
Hezkuntza ez-formala
Arizmendi Ikastolan, Hezkuntza Ez Formala proiektua Hezkuntza proiektuko ardatz bat da. Helburua, ikasleen bizipenak eta ezagutzak aberasten laguntzea izango da testuinguru desberdinetan, espazio anitzak erabiliz, ekintza desberdinak esperimentatzeko aukerak eskainiz eta bide batez gustuko gauzak identifikatuz.
Eskaintza
Ibilbide anitzak
Hezkuntza Premia Bereziko ikasleei zuzenduta dago, aniztasun funtzionala duten ikasleendako hain zuzen. Ikastola eta lan munduaren arteko zubia da ZIG. Hezkuntza ez-arautuari dagokion ikaskuntza bat da, eta Derrigorrezko Bigarren Hezkuntzan du bere leku propioa.
HELBURUAK
- Hezkuntzako oinarrizko gaitasunak garatzea.
- Bizitzarako beharrezkoak diren trebetasun sozialak garatzea.
- Lan mundurako prestakuntza izatea.
- Autonomia pertsonala garatzea.
- Zoriontsu izatea.
ANTOLAKETA
16-20 urte bitartean lau urteko ibilbidea eskaintzen die. Eskualdeko beharrei erantzuten diegu. Bi zikloetan banatzen da:
- 1. zikloa: 16-18 urte bitartean
- 2. zikloa: 18-20 urte bitartean
Hizkuntza Indartzeko Programa
Ikastolara heltzen diren ikasle berriei euskara hizkuntzaren jabetze prozesuan babesa eman eta baliabideak eskeintzen dizkiegu, hezkuntza sisteman zein gizartean egokitasunez murgiltzeko.
Logopedia
ERDU eta GURA egitasmoetan, eremu eskolarrean ikasleen logopedia beharrei erantzuteko saio askotarikoak eskaintzen ditugu talde txikietan, eskola orduetan eta Ikastolan bertan.
Arrasateko Logopedia Zentroa eta Aretxabaletako ESAN Logopedia Zentroekin elkarlanean antolatzen dira saioak. Ikasturtean zehar bi zentroetako espezialistak izaten ditugu Ikastolan beharra duten ikasleei tratamendua eskaintzeko. Premia izanez gero, uztailean ere izaten dute ikasleek zerbitzua jasotzeko aukera.
Lantzen diren zailtasunak honako hauek izan daitezke: hizkuntzaren atzerapenak, mintzaira atzerapenak, dislaliak (artikulazio zailtasunak), irakurketa-idazketa…
Egutegiak
Egutegi eskolarra
Zaintza egutegia
* Arrasateko Arimazubi gunean eskaintzen da.
Ikastolako Orientazio Taldea osatzen dugun profesionalok ikasleei, familiei, irakasleei eta ikastolari orokorrean akonpainamendua eta aholkularitza eskaintzen diegu. Ikastola kooperatiba osatzen dugun guztiok ekitatez eta kalitatez bertako bizitzan presentziarako, parte-hartzeko eta lorpenak ahalbidetzeko aukerak bermatzen laguntzen dugu.
Ikasle bakoitzaren izatea kontutan hartuz eta ikuspegi inklusiboa oinarria izanik, esperientzia aberats eta askotarikoak bizitzeko testuinguruak antolatzen laguntzen dugu adina eta egitasmoaren arabera.