OTSAGI 2026 (2.txanda)
Kaixo Otsagitar,
Zelan zaude? Gu nostalgia puntu batekin gaude oraindik, egin ditugun ekintza guztiak gogoaraziz. Izugarria izan da Otsagin zuekin bizitako aste hau eta bizitako momentuekin gelditzea nahi dugu. Egunero esperientzia ezberdinak bizi izan dituzue eta une horiek gordetzeko behean dauzkazue egun bakoitzeko laburpen bideoak. Agurtzeko, behean uzten dizkizuegu aurtengo bideoklipa eta argazki albuma. Udan zehar leku ezberdinetatik eta lagun ezberdinekin otsagiko kamiseta jantzita bidali argazkia otsagi@arizmendikide.net-era (mesedez adierazi nundik bidaltzen duzuen argazkia), uda bukaeran argazki erraldoi bat sortuko dugu.
Ederto ibili! Laster arte!
BIDEOKLIPA:
ARGAZKI ALBUMA:
EGUNEROKOA:
Hemen behean Otsagiko 2.txandako nondik norakoak ikusiko dituzue. Espazio honetan, udalekuen nondik norako guztiak jarraitu ahal izango dituzue bertatik bertara. Ez dugu nahi ezer galtzerik izaterik! Horregatik, uztailaren 4tik uztailaren 10era bitartean, egunero-egunero joango gara txoko hau eguneratzen. Bertan ikusgai izango duzue egun bakoitzean egindako ekintza, jolas eta txangoen laburpen xehea, eta, nola ez, momenturik onenak bilduko dituzten bideo zein argazki galeria ederrak.
Oo oo oooooh Otsagin, Oo oo oooooh aste bat elkarrekin!
7.EGUNA (UZTAILAK 10)
Heldu da azken eguna…
Goizean goiz maletak egin ditugu eta baita gelak garbitu ere. Ostean, frontoira joan gara. Bertan, bingo musikatuan jolastu dugu. Jarraian, gure gorputzak erabiliz “Otsagi 2026” hitzak irudikatu ditugu. Ostean, azken aldiz gure artean Otsagiko herrian jolasten ibili gara. Jarraian, bazkaltzera joan gara eta ostean udalekuen bizipenen balorazioa egin dugu. Bukatzeko, Otsagiko kantuarekin agurtu gara bai Otsagin eta baita Eskoriatza, Aretxabaleta zein Arrasaten!
Deskantsatu!
6.EGUNA (UZTAILAK 9)
Otsagiko kantak dioen bezala “primeran gaude Otsagin”, baina azken eguna iritsi da. Gaurkoan, bandera jokua izan da eguneko ekintza nagusia. Goizean hasi da jokoa eta jokoaren amaiera berriz atsaldean izan da. Tartean, paella ederra jan dugu taldeka kanpinean. Maitasuna aldarrikatzeko, piropo kaxatik ere piropo sorta irakurri dugu bazkal ostean. Aurretik esan bezala, bandera jokoa atsaldean bukatu da eta jarraian errekara joan gara. Bertan, denetatik egin dugu; errekan freskatu, jolastu, merienda eta errekaz aldatu gara. Errutina jarraituz azken dutxa ez da faltatu. Afal ostean, azken gaubelaz gozatu dugu dantza eginez. Gainera, monitoreen eskutik ere sorpresa txiki bat izan dugu. Eta bihar? maleta egitera… Bihar arte!
5.EGUNA (UZTAILAK 8)
Egunon on Otsagitarrok! Zorionak Iñaki!
Gaur ere ederto ibili gara. Goizean goiz esnatu, indarrak hartu eta ekin diegu Otsagiko 34. olinpiadei. Baina hori baino lehen, Otsagin zein Euskal Herri osoan euskaraz bizi nahi dugula aldarrikatzeko Korrika berezia egin dugu. Jarraian, eskuz eskuz lekukoan irakurri dugun mezua irakurri dugu. Euskal olinpiadei hasiera emateko aurreskua egin dugu eta taldeko kamisetak jantziz, gora eta behera ibili gara goiz guztia, bazterrak nahasten. Ondoren, kanpinean bazkaldu, indarrak berreskuratu eta olinpiaden azken txanpari ekin diogu. Eguna, Otsagiko errekan bukatuko dugu.
Iluntzean, izerdi nahikoa bota dutxatu egin gara eta herrira joan gara gaurko gaubela berezia ospatzera. Bertan, Otsagiko zirrikitu denak ezagutu ditugu “ardiak eta otxoak” jolastuz.
Beste egun ahaztezin bat paradisuan, bihar arte!
4.EGUNA (UZTAILAK 7)
Egun on Otsagitarrok!!
Konturatu gabe egunak aurrera doaz. Gaurkoan eguzkia ere alde izan dugu. Eguzkiarekin batera esnatu gara, eta ekintza berezietara indartsu joan gara. Behin motxilak prestatu ditugula, bitan banatu gara berriz ere baina gaurkoan lehen taldeak “El conquistador” egin du goizean eta ur jolasak arratsaldean, bigarren taldeari berriz eskalatzea eta gaubela prestatzea tokatu zaio.
Arratsaldean, beroari aurre egiteko bi taldeak eskarotzeko errekan batu gara.
Afal ostean, dantza batzuen ostean aurreko taldeek prestatutako gaubelak egin dituzte haurrek. Ostean, piropo kaxako mezuak irakurtzen pasa dugu gaua, otsagiko abestiarekin egunari amaiera emanez.
Gutxi geratzen da baina azkenengo egunak gogo askorekin hartuko ditugu.
Gora Otsagi!
3.EGUNA (UZTAILAK 6)
Egun on Otsagitarrok!!
Beste behin, eguneko lehen eguzki izpiek eman diete hasiera egunari. Gosarian indarrak hartu ondoren eta behin motxilak prestatuta, bitan banatu gara. Lehen taldeak eskaladan eta rapelean aritu ondoren, Eskarotzeko errekan deskantsatu dute gaubela prestatzen. Bigarren taldeak berriz, goizean “El conquistador” erako bi frogatan parte hartu dute, azkenean ikurriña eskuratuz. Arratsaldean, beroari aurre egiteko ur jolasetan aritu gara eta errekan bi taldeak batu gara atsaldea burutuz.
Guztiok errekan bukatu dugu eguna. Afal ostean, gaubelan eguneko bideoak ikusi ditugu. Jarraian, taldeek prestatutako gaubelekin oso ondo pasatu dugu. Bukatzeko, kaxa zoroa jolasean aritu gara, Otsagiko abestiarekin egunari amaiera emanez.
Bihar arte!
2.EGUNA (UZTAILAK 5)
Egun on Otsagitarrok!
Eguzkiarekin batera esnatu gara. Motxilak prestatu eta Muskildarantz abiatu gara. Tartean, Aboditik pasatu gara, Iratiko basoan dagoen mendilerroa da, Pirineoen magalean. Bidea ez da makala izan, baina primeran ibili gara eta helmugako paisaiak pena merezi izan da. Gainera, Otsagi herriko leku berezienetako bat den Muskildako ermita ezagutzeko aukera ere izan dugu. Bertan, jolas batzuk egin ondoren, lasai lasai bazkaldu dugu. Ostean, jolas eta instrumentu artean ibili gara.
Txangoa errekan bukatu dugu. Errekan, freskatu eta jolasean ibili gara. Arratsaldea bukatzeko, herriko frontoira gerturatu gara.
Ez da falta izan eguneko dutxa eta afaria. Eguna amaitzeko musika gaua izan dugu abestien jolasarekin. Bukatzeko, Otsagiko abestia erdi ikasia daukagunez, hauxe abestu eta ohera joan gara biharko indarrak berreskuratzera. Jarrai dezagun Otsagiz gozatzen!
1.EGUNA (UZTAILAK 4)
Otsagiko abestiak dioen bezala “poz handiz egin dugu maleta” eta hauek hartuta 10:00-ak aldera gure bailaratik Otsagirantz abiatu gara. Foz de Arbaiun leku ikusgarrian hamarretakoa egin dugu eta 14:00-tarako Osate izeneko Otsagiko kanpinera iritsi gara. Kapinean, lasai bazkaldu ostean gelak banatu ditugu eta ondoren taldekatzeak egin ditugu monitoreak ezagutuz. Behin taldeka, herria ezagutzeko ginkana egin dugu. Jarraian, Otsagiko errekara bertaratu gara arratsaldea freskatzeko. Ekintzei amaiera emateko, hurrengo egunetan erabiliko ditugun kamisetak tintatu ditugu.
Eguneko errutina hartzeko, dutxatu egin gara eta ostean Kanpinean lehen aldiz afaldu dugu.
Afal ostean, atzeko zelaian jolasean ibili ostean gaubelari ekin diogu. Bertan, Otsagiko abestia ikasten hasi gara. Ondoren, monitore galduaren bila jolastu dugu, basoan zehar taldeka monitore ezberdinak aurkituz. Bukatzeko, denok batera Otsagiko abestia abestu dugu. Egunean zehar oso ondo pasatu ostean ohera goaz, biharko pilak kargatzera. Deskantsatu eta bihar arte Otsagitarrok!
Kontatutako guztiaren laburpen bideoa jarraian: