Leintzeko Ikastola Lagunek saio berriak abiatu dituzte Arrasaten

Joan den astean, Leintzeko Ikastola Lagunak taldeak Arrasateko saioei ekin zion berriro, gure inguruko Ikastolen jatorria eta bilakaera gertutik ezagutu eta bizi izan duten pertsonak elkartzeko helburuarekin.

Topaketa hauen mamia ez da soilik iragandakoaz aritzea, baizik eta parte-hartzaileen arteko harremanak estutzea eta esperientziak partekatzea. Arrasateko saioetan, kideek elkarrekin egoteko eta hainbat gairen inguruan gogoeta egiteko espazioa berreskuratu dute, betiere Ikastolen munduarekin duten lotura hori ardatz hartuta.

Arizmendi Ikastolarentzat oso pozgarria da horrelako ekimenak indartzen ikustea. Leintzeko Ikastola Lagunek osatzen duten pertsonak gure proiektuaren oinarri izan dira, eta gaur egun ere, euren parte-hartze aktiboarekin, gure hezkuntza-komunitatearen parte izaten jarraitzen dute. Saio hauek gure sustraiak gogoratzeko eta elkarrekin etorkizunera begiratzeko modu ederra dira.

Hemendik, eskerrak eman nahi dizkiegu saio hauetan parte hartzen duten guztiei, euren borondateak eta gogoak bizirik mantentzen baitute gure Ikastolen atzean dagoen izaera herrikoi eta kooperatiboa.

Mondraberri.eus-en argitaratutako albistea, hemen.