Lanbide Heziketan aurrematrikulatzeko azken egunak: Aurkitu zure bidea Arizmendi Ikastolan!
Gogoratu maiatzaren 22an, ostirala, amaituko dela Lanbide Heziketako zikloetan izena emateko aurrematrikula epea. Arizmendi Ikastolan ikasle bakoitzak bere bidea aurkitzea dugu helburu, eta horretarako, lan-merkatuaren beharretara egokitutako maila desberdinetako eskaintza zabala eta berritasun indartsuak ditugu aukeran, Arrasateko Ferixaleku zein Zaldibar guneetan:
- Hasierako Lanbide Heziketa: Sukaldaritza, Etxebizitzen mantentze lanak eta Informatika.
- Erdi Mailako Zikloak: Erizaintzako zaintza osagarriak, Mikroinformatika sistemak eta sareak, eta Osasun larrialdiak.
- Goi Mailako Zikloa: Gizarte eta kirol animazioaren irakaskuntza (GIKAI).
Berritasun garrantzitsuak aurten!
Ikasturte honetan, gainera, gure eskaintza gehiago indartu dugu lan-merkatuaren eskaera berriei eta gizartearen beharrei zuzeneko erantzuna emateko bi formatu berrirekin:
- Ziurtagiri profesionala (C Gradua): Mendekotasun egoeran dauden pertsonen autonomia akuilatzea eta hezkuntzako esku-hartzea.
- Oinarrizko profesionala: Informatika eta komunikazioetako oinarrizko profesionala (Hasierako LHaren barnean).
Idazkaritzako ordutegia
Aurrematrikula epean zehar (maiatzaren 22ra arte), idazkaritzaren ordutegia ondorengoa izango da Ikastolan:
- Astelehenetik ostegunera: 09:00 – 13:00 eta 14:30 – 17:30.
- Ostiraletan: 09:00 – 13:00 eta 14:30 – 17:00.