Guztiok Palestinarekin! Eskerrik asko Arrasate!

DBH 3ko ikasleok ‘Ta zer ez da berdin’ PROI-aren baitan “Arrasate Palestinarekin” kanpaina aurrera eraman genuen. Kanpaina honen baitan, ekintza solidarioa burutu  genuen Palestinarako janari bilketa antolatuz. Urriaren 21ean herrian (Eroski, Biteri plaza, BM supermerkatua) antolatutako janari bilketan herritarren eskuzabaltasuna ikusi ahal izan genuen. 

Beste aldetik, Arrasateko guneetan (Arimazubi, Santa Teresa, Gazteluondo eta Gaztelupe) janari bilketak izandako harrera izugarria izan da. Dagoeneko, ZAPOREAK elkarteak, bildutako janari guztia  Lesboseko errefuxiatu kanpamendura bidean darama. Gure partetik eskerrik asko janari bilketan zuen ekarpena egin duzuen herritar, guraso, ikasle, irakasle… guztioi. 

Arrasate Palestinarekin!

Testua: DBH3ko ikasle eta irakasle taldea.