GAUR: “Birziklanet-Sahara” proiektuaren kontakizuna Kulturaten

Gaur, maiatzak 12, arratsaldeko 18:00etan, Arrasateko Kulturatek hitzordu berezi bat hartuko du: “Birziklanet-Sahara, bidaia baten kontakizuna” hitzaldia.

Arizmendi Ikastolako Lanbide Heziketak “Birziklanet-Sahara, bidaia baten kontakizuna” izeneko hitzaldia antolatu du. Ekimen honen bidez, gure ikasleek berregokitutako ordenagailuak Saharara nola iritsi diren eta proiektuak hango hezkuntzan duen eragina azalduko da, bertatik bertara bizitako esperientziak partekatuz.

Xehetasunak:

• Eguna: Gaur, maiatzak 12
• Ordua: 18:00etan
• Lekua: Kulturateko aretoan (Arrasate)
• Hizlariak: Mujtar Lebohi (Fronte Polisarioko ordezkaria Euskadin), Saleh Zein (proiektuaren ordezkaria Saharako), Gaizka Eraña (Birziklaneteko arduraduna), Beñat Irazabal (Arizmendi LHko zuzendaria) eta Jabi Alfaro (Elkarteneteko arduraduna). 

Zatoz elkartasun-bidaia honen xehetasunak ezagutzera!