Euspoterako gakoak jaso ditugu Artemanen eskutik

Arizmendi Ikastolako Batxilergoko ikasleok komunikazioaren eta publizitatearen mundura hurbiltzeko aukera bikaina izan dugu gure gelan, Artemanekoak etorri baitzaizkigu Euspot euskarazko spot lehiaketa aurkeztera. Lehenik Almenen eta ondoren Gaztelupen egon dira Artemaneoak. Aurten gaia oso hurbilekoa dugu gazteok, sare sozialetan euskarazko edukiak sortzearen garrantziaz hausnartzea egokitu baitzaigu. Saioan zehar formazio tekniko eta sortzaile sakona jaso dugu, eta Artemaneko kideek spot baten oinarri guztiak azaldu dizkigute, gidoi baten egituratik hasi eta grabazioan zaindu beharreko plano eta argiztapen xehetasunetaraino. Tresna horiei esker, gure ideiak 30 segundoko bideo eraginkor bihurtzeko gakoak eskuratu ditugu.
Behin oinarri teknikoak eta lehiaketaren baldintzak aztertuta, gure lehen gidoiak zirriborratzen hasi gara gelan bertan. Artemaneko profesionalen aholkuekin gure sormena nola bideratu ikasi dugu, betiere euskarari eta gazteon ikuspuntuari lehentasuna emanez. Eskerrak eman nahi dizkiogu Artemaneko taldeari gure sormena lantzen laguntzeagatik eta orain gure txanda da kamera hartu eta gure spotak grabatzen hasteko. Laster ikusiko dituzue gure lanak Euspoten atarian.