Erreka garbiketa auzolanean parte hartu genuen

Larunbatean Debagoienean Errekak Garbi Auzolanean ekimena izan zen gure bailaran. Herri ezberdinetan erreka eremu eta inguruetan aurkitutako zaborra batu zuten ekimenean parte hartu zuten herritarrek.

Gure Ikastolako profesional zein familia ugari gerturatu ziren auzolanera. Arrasaten, Monteazpi, San Isidro eta Elorregitik abiatuta, herria zeharkatzen duten bi errekak (Aramaio eta Deba) garbitzen aritu ziren.  Garbiketa ostean, hamaiketakoa egin zuten elkarrekin. Erreka garbitzeaz gain, herritarren arteko harremanak sendotzeko eta elkar ezagutzeko aukera paregabea izan zen. 

Hemen aurkituko dituzue Arrasateko eta Aretxabaleta/Eskoriatzako taldeen irudiak.