DBH 4ko eta GIKAI heziketa zikloko ikasleak elkarrekin lanean: kirola eta ikaskuntza Ferixalekuan

Azken bi asteotan, Gaztelupeko DBH 4ko ikasleak Ferixalekuan izan ditugu bisitan, eta bertan oso elkarlan aberasgarria loratu da. GIKAIko (Gizarte eta Kirol Animazioaren Irakaskuntza) 2. mailako ikasleek Spinning saioak eta indar-zirkuitu bereziak diseinatu eta gidatu dituzte haientzat.

Saio hauetan ez da ezer falta izan: izerdia, esfortsu itzela, erronka berriak eta kirola egiteko modu desberdinak ezagutzeko aukera bikaina. Esperientzia honek abantaila bikoitza izan du; alde batetik, GIKAIko ikasleentzat aukera paregabea izan da saio errealak gidatuz eta taldeak kudeatuz esperientzia profesionala hartzeko. Bestetik, DBHkoentzat modu erabat dinamiko, dibertigarri eta desberdin batean ariketa fisikoaz gozatzeko bidea izan da.

Guztiok oso gustura geratu gara eta, zalantzarik gabe, berriz errepikatzeko moduko esperientzia izan da.

Gure Ikastolako egitasmo desberdinen artean zubiak eraikitzen jarraitzen dugu!